Хәрәкәттә сикләүҙәр бар

Нуриман районының Павловка ауылындағы Павловка шлюзы күперен капиталь ремонтҡа ябыу планлаштырыла.

 Был эштәр быйыл 23 октябрҙән алып 2023 йылдың 5 апреленә тиклем алып барыласаҡ.   

Реконструкция 2024 йылға тиклем магистраль инфраструктураны модернизациялау һәм киңәйтеү комплекслы планының транспорт өлөшөндәге  “Эске һыу юлдары”  федераль проекты сиктәрендә башҡарыла.

Реконструкцияның маҡсаты – шлюздың техник торошон тергеҙеү һәм уның хәүефһеҙлек кимәлен күтәреү.

Павловка ауылының  Павловка судоходство шлюзында механик ҡорамалға капиталь ремонт үткәреү сәбәпле, быйыл 23 октябрҙән киләһе йылдың 5 апреленә саҡлы транспорттың барлыҡ төрҙәренә хәрәкәт ябыласаҡ. Павловка ауылындағы  судоходство шлюзында боролош күпере аша үтеү ике йүнәлештә лә ябыласаҡ.

 Өфөнән Павловка ауылына М5 марштуры буйынса үтергә мөмкин: Иглин  - Красная горка – Павловка. Водителдәргә был йәһәттән юл буйындағы мәғлүмәт баннерҙарына иғтибар итеү мөһим.

 Павловка шлюзы  - белеүебеҙсә, Европалағы иң юғары баҫымлы шлюз. Объект 1953 йылда төҙөлгән, ләкин бетонды һалыу технологияһы боҙолоуы арҡаһында 1962 йылда ғына сафҡа индерелгән. Шул ваҡыттан даими ремонтланып тотороҡло эше тәьмин ителә.