Һуңғы тапҡыр магазин янынан шылтыратҡан...

Башҡортостанда 62 йәшлек Заһит Әүхәҙиев юғалған. Был турала “Поиск детей-Башкортостан” эҙәрмәндәр төркөмө хәбәр итә. Эҙләү 18 октябрҙә иғлан ителгән.

Хәбәр итеүҙәренсә, ир 17 октябрҙә Кушнаренконан Өфө ҡалаһына ҡара төҫтәге Kia Sorento машинаһында киткән булған.

– Кис көнө “Леруа Мерлен” магазины янында телефон аша һөйләшкән, шунан һуң бәйләнеш өҙөлгән, – ти ирекмәндәр.

Ирҙең билдәләре: буйы 180 см, тулы кәүҙәле, күҙҙәре һоро-күк төҫтә. Ҡара куртка һәм кофта, ҡара джинсы салбар кейгән булған.

“Ирҙе күргән кешеләрҙең 112 йәки 8-927-969-89-19, 8-917-383-56-87 (“Поиск детей- ңБашкортостан” ойошмаһының дежур номеры) телефондары буйынса мөрәжәғәт итеүҙәрен һорайбыҙ”, - ти ирекмәндәр.

Фото: "Поиск детей - Башкортостан".