Ниндәй ватсаптан һаҡ булырға?

Йыш ҡына ватсаптың яҡшыртылған вариантын ҡулланырға тигән тәҡдим килә. Йәнәһе, телефоныңа яңыһын, шәберәген ҡуйып ал.

Белеп ҡуйығыҙ, YoWhatsApp һәм WhatsApp Plus — иң хәүефле ҡушымталар. Улар нимәһе менән ҡурҡынысмы?

Һеҙҙең хәбәр-хаттарҙы уҡып, башҡа кешеләргә ебәрә алалар;

Һеҙҙең телефон номерҙарығыҙҙы һәм таныш-дуҫ-туғандарығыҙҙың һеҙҙә һаҡланған номерҙарын урлай алалар;

Фотоларығыҙҙы һәм файлдарығыҙҙы урлай алалар;

Һеҙҙең геопозицияғыҙҙы - ҡайҙалығығыҙҙы белә алырға мөмкиндәр.

Һаҡ булығыҙ һәм үрҙәге ҡушымталарҙы телефонығыҙға ҡуймағыҙ, ҡулланмағыҙ.

Фото: www.nextpit.com