Быларҙы телефонда һаҡларға ярамай

Гаджет ҡулланғандарҙың күбеһе ҡулайламаның һанлы гигиенаһына тейешле иғтибар бирмәй, тип белдерә “Прайм” агентлығы, Angara Security компаниялар төркөмөнөң махсус проекттар буйынса директоры Александр Дворянскийға һылтанып.

Баҡтиһәң, ҡулланыусыларға cookies и кэш мәғлүмәттәрен даими юйып торорға кәрәк икән. Шулай уҡ интернет-ресурстарҙы ҡарағанда һәм  ҡушымталарҙы үҙеңә күсереп алғанда айырыуса  иғтибарлы булыу фарыз. Бынан тыш, антивирусты ваҡытында яңыртырға, телефонда документтарҙы һәм паролдәрҙе һаҡламаҫҡа кәрәк.

Александр Дворянский ышанысһыҙ Wi-Fi селтәренән файҙаланғанда һәм VPN-сервисына тоташҡанда ҡулайламанан банк ҡушымтаһына, шулай уҡ шәхси мәғлүмәттәрҙе үҙ эсенә алған бүтән ҡушымталарға инмәҫкә кәңәш итә. Әйткәндәй, “Роскомнадзор” әле тағы ла ҡайһы бер VPN-сервистарҙың эшен сикләргә ниәтләй.

Лилиә ДӘҮЛӘТБӘКОВА