Павловкала - ҡотҡарыусылар өсөн яңы бина

Башҡортостан Хөкүмәте Премьер-министры урынбаҫары Ирек Сәғитов республиканың Ғәҙәттән тыш хәлдәр буйынса дәүләт комитеты рәйесенең беренсе урынбаҫары Кирилл Первов менән бергә ҡотҡарыу базаһында төҙөлөш-монтаж эштәренең ҡабул ителеүгә әҙерлеген тикшерҙе. Был бина ҡотҡарыусыларҙы ғына түгел, барлыҡ кәрәкле техниканы ла һыйҙырасаҡ.

Төҙөлөштөң заманса технологияларын ҡулланыу арҡаһында бина бер нисә ай эсендә генә төҙөлә, дөйөм майҙаны 436,56 квадрат метр булған модулле металл конструкцияға ҡуйылған. Шартлы рәүештә төп өлөштән тора: административ бүлек, эксплуатация машиналары ҡуйыласаҡ бокс һәм һыу судноларын һаҡлау өсөн һалҡын гараж.

2020 йылда Павловка һыуһаҡлағысы янында яңы ҡотҡарыу отряды эшләй башланы. Әлеге ваҡытта ҡотҡарыусылар ваҡытлыса ҡоролмаларҙа хеҙмәт итә.

Был проект 2030 йылға тиклем Башҡортостанда янғын һүндереү-ҡотҡарыу көстәрен үҫтереү стратегияһын тормошҡа ашырыу ярҙамында мөмкин булды.

Фото Ирек Сәғитовтың сәхифәһенән.