Яңы йылда уттан һаҡ булайыҡ!

Ябай яңы йыл гирляндаһы янғынға сәбәпсе булыуы ихтимал. Шуға күрә заводта етештерелгән, йәғни янғын хәүефһеҙлеге сертификатына лайыҡ булған электр биҙәүестәрен генә файҙаланырға кәрәк.

Башҡортостан юлдаш телеканалының “Сәләм” тапшырыуында Республикаға идара итеү үҙәгенән тура эфир барышында Яңы йыл каникулында хәүефһеҙлек саралары тураһында һүҙ барҙы.

Башҡортостан Ғәҙәттән тыш хәлдәр буйынса дәүләт комитетының авария-ҡотҡарыу хеҙмәте ҡотҡарыусыһы Альфред Шәрәфетдинов янып тора торған шыршы биҙәүестәре һатып алғанда нимәгә иғтибар итергә икәнен, йортто биҙәгәндә хәүефһеҙлеккә лә ныҡлы иғтибар бүлеүҙең мөһимлеге тураһында һөйләне, шулай уҡ фейерверктар осорғанда хәүефһеҙлек ҡағиҙәләре тураһында иҫкә төшөрҙө.

Мөһим һәм кәрәкле мәғлүмәт – башҡортса эфир яҙмаһында.

Фото: видеонан скриншот.