Баҡһаң, бесәй ғәйепле...

Салауат ҡалаһының Ғафури урамында урынлашҡан күп ҡатлы йорттағы фатирҙа янғын сыҡҡан. Ғәҙәттән тыш хәлдәр министрлығы хеҙмәткәрҙәре килгәндә, утты фатирҙа йәшәүселәр үҙҙәре һүндергән була, тип хәбәр итә "Башҡортостаным/Яңылыҡтар".

Баҡтиһәң, бәлә өйҙәге бесәй арҡаһында сыҡҡан. Ул ҡорғандарға үрмәләгән һәм гардин менән бергә шаршауҙарҙы йылытҡыс өҫтөнә төшөргән. Һөҙөмтәлә фатирҙа ут сыҡҡан. Ярай әле ҙур бәләгә юл ҡуйылмаған, утты тиҙ арала һүндергәндәр.

Ошондай осраҡтар ҙа булыуы ихтимал, һаҡ һәм иғтибарлы булайыҡ!

Фото: pixabay.com