Тыуған көнөндә һәләк булған...

16 февралдә Стәрлетамаҡ районының Октябрьский ауылында бәхетһеҙ осраҡ һөҙөмтәһендә “ГАЗель” водителе һәләк булған. Хоҡуҡ һаҡлау органдарындағы сығанаҡтар хәбәр итеүенсә, яҡынса мәғлүмәттәр буйынса, ир машинаһын йылытыуға ҡуйған, өҫтәүенә үҙе салонда ултырған.

Билдәле булыуынса, уның “ГАЗель”е газ яғыулығында эшләгән. Машина йылынған мәлдә шартлау яңғырай. Ир ваҡиға урынында йән биргән. Ҡайһы бер мәғлүмәттәр буйынса, бөгөн уның тыуған көнө булған.

Әлеге ваҡытта был ваҡиға сәбәптәрен асыҡлайҙар.  

Фото: Рәсәй Ғәҙәттән тыш хәлдәр министрлығының Башҡортостан буйынса Баш идаралығы матбуғат хеҙмәте.