Өфөлә – мина!

Бөгөн, 26 мартта, Өфө ҡалаһында “Пушкин” сауҙа комплексы туҡталышында, Пушкин һәм Ғафури урамдары киҫелешкән урындан алыҫ түгел урында пехотаға ҡаршы мина табылған.

Унда шунда уҡ белгестәр саҡырылған. Шаһиттар әйтеүенсә, шартлатҡыс ҡорамал йәмәғәт транспорты туҡталышына бик яҡын урынлашҡан.

Әлеге ваҡытта Росгвардия хеҙмәткәрҙәре, шартлатыу техниктары һәм саперҙар эшләй. Был турала “Башҡортостан” дәүләт телерадиокомпанияһы хәбәр итә. Хәлгә аныҡлыҡ индерелгәс, был турала тулыраҡ яҙырбыҙ.

Фото: Уфа1.