Ташҡын контролдә тотола

Башҡортостан Республикаһының Ғәҙәттән тыш хәлдәр буйынса дәүләт комитетынан алынған мәғлүмәттәргә ҡарағанда, бөгөн 18.00 сәғәткә ҡарата һыу кимәле буйынса һандар түбәндәгесә, уларҙа кисә 18 сәғәттән бер тәүлек эсендәге үҙгәрештәр сағыла:

1. Ағиҙел йылғаһында Дуҫлыҡ монументы районында кимәл 236 сантиметр тәшкил итә, һыу 117 сантиметрға артҡан, хәүеф тыуҙырыу кимәле - 730 сантиметр.

2. Көйөргәҙе районының Бөгөлсән ауылында Ағиҙел йылғаһы кимәле 238 сантиметрға еткән, һыу тәүлек эсендә 78 сантиметрға артҡан, хәүеф тыуҙырыу кимәле - 583 сантиметр.

3. Бөрө ҡалаһында Ағиҙел йылғаһы кимәле - 262 сантиметр, ул 74 сантиметрға артҡан, хәүеф кимәле - 910 сантиметр.

Башҡортостанда һигеҙ муниципаль берәмектә һыу баҫыуҙың 10 осрағы контролдә тотола.

Республикала ташҡын торошон автоматлаштырылған системаны ҡулланып, Ка-32 һәм пилотһыҙ осоу аппаттары ярҙамында мониторинглайҙар.