Йылғаларға бәйле хәл нисек?

Башҡортостандың Ғәҙәттән тыш хәлдәр буйынса дәүләт комитеты республикалағы һыу кимәле буйынса көнүҙәк мәғлүмәт менән таныштыра.

1. Керәкә йылғаһы, Кушнаренко районы, һыу кимәле 133 см (+ 95 см, хәүефле кимәл - 304 см)

2. Өфө йылғаһы, Шакша ҡасабаһы, һыу кимәле 280 см (+ 64 см, хәүефле кимәл - 840 см)

3. Иҙәк йылғаһы, Благовещен районындағы Ильино-Поляна ауылы янында, һыу кимәле 134 см (+ 55 см, хәүефле кимәл - 349 см)

Һыу күтәрелеүҙең туғыҙ осрағы контролгә алынған.

Мәҫәлән, Көйөргәҙе районының Яҡут ауылы янында Ҙур Юшатыр йылғаһында һыу күтәрелеү сәбәпле бер күпер күҙәтеү аҫтында.

Өфө янындағы “Восход” баҡсасылар берләшмәһендә иһә дүрт йорт эргәһенән һыу ҡайтҡан һәм ул биләмә күҙәтеүҙән алынған.

Башҡортостанда һыу баҫыуға бәйле хәлде белгестәр тәүлек әйләнәһенә автоматлаштырылған система, Ка-32 вертолеты, пилотһыҙ осоусы аппараттар ярҙамында мониторлай.

Һәр кем йылғаларға бәйле хәлде Башҡортостандың Ғәҙәттән тыш хәлдәр буйынса дәүләт комитеты сайтына инеп, http://portal.introgis.com/CoGIS/FloodRB# һылтанмаһы буйынса ҡарай ала.

Фото: Башҡортостандың  Ғәҙәттән тыш хәлдәр буйынса дәүләт комитеты.