Бәләкәсеңде һаҡла һәм яҡла!

Балалар йәрәхәтләнеүенең төп сәбәптәренең береһе – тәҙрәнән йығылып төшөү. Тәбиғәте буйынса ҡыҙыҡһыныусан булған бәләкәстәр юғарынан ҡолап һәләк була.

Күптән түгел Өфөләге Инорс биҫтәһендә асыҡ тәҙрә эргәһендә өлкәндәрҙең ҡарауынан тыш ҡалған ике йәшлек бала бәләгә тарығайны.

Бәләкәстәрҙе нисек яҡларға?

• Тәҙрәне асыҡ ҡалдырмаҫҡа.
• Москит сеткалары ҡуйылһа, һаҡ булығыҙ, балалар уға таянып йығылып ҡуймаһын.
• Баланы тәҙрә эргәһендә яңғыҙын ҡалдырмаҫҡа.
• Бәләкәстәр тәҙрәгә менә алмаһын өсөн уның эргәһенә мебель ҡуймағыҙ.
• Тәҙрәләргә блокираторҙар һәм асҡысы булған йоҙаҡ ҡуйығыҙ.
• Балаларға хәүефһеҙлек ҡағиҙәләрен өйрәтегеҙ.

Бәләкәстәрегеҙҙе төрлө хәүеф-хәтәрҙән һаҡлағыҙ, фажиғә булмаһын өсөн барыһын да эшләргә тырышығыҙ.

Фото, текст сығанағы: ufacity.info/press/