Өйҙә бала булһа, тәҙрәңде яп!

Үкенескә күрә, күңелһеҙ статистика күрһәтеүенсә, көндәр йылытыу менән бәләкәй балаларҙың тәҙрәнән ҡолап төшөүенә бәйле бәхетһеҙлек осраҡтарының артыуы билдәләнә. Насар һандар артмаһын өсөн, ата-әсәләргә иғтибарлыраҡ булырға һәм фатирҙарҙағы балаларҙы күҙәтергә, уларҙы асыҡ тәҙрәле биналарҙа ҡарауһыҙ ҡалдырмаҫҡа кәрәк.

Ата-әсәләрҙең барыһына ла был ҡағиҙәләрҙе белергә кәрәк:

1 ҡағиҙә: Тәҙрәне асыҡ ҡалдырырға ярамай, сөнки иғтибарҙы бер секундҡа ғына ситкә йүнәлтеү ҙә баланың ғүмерендә һуңғы минут булырға йәки уны ғүмерлеккә имгәтергә мөмкин.

2 ҡағиҙә: тәҙрәлә тейешле һаҡлау саралары булмаһа, москит селтәрҙәрен файҙаланмаҫҡа. Бала алдында был ҡаршылыҡты күрә лә, уға ныҡлы таяна, һөҙөмтәлә хатта бер йәшлек баланың ауырлығына ла иҫәпләнмәгән селтәр менән бергә ҡолауы ихтимал.

3-сө ҡағиҙә: баланы, бигерәк тә тәҙрәләр һәм быяла ишектәр янында уйнағанда ҡарауһыҙ ҡалдырмаҫҡа.

4 ҡағиҙә: балаға тәҙрә төбөнә менеү өсөн баҫҡыс булып тора алған әйберҙәрҙе йәки йыһаздарҙы тәҙрә янында ҡалдырмаҫҡа.

5-се ҡағиҙә: Балаларға карауатта йәки тәҙрә янында урынлашҡан башҡа йорт йыһазында һикерергә рөхсәт итергә ярамай.

6 ҡағиҙә: Тәҙрәләргә аксессуарҙарҙы ентекләп һайлағыҙ. Атап әйткәндә, жалюзи һәм рулон тәҙрәләре кеүек ҡояштан һаҡлау саралары һалынып тороусы бауҙарһыҙ һәм сылбырһыҙ булырға тейеш. Бала улар ярҙамында йә тәҙрә аша сыға, йә яңылыш быуылып үлергә мөмкин.

7 ҡағиҙә: баланың тәҙрәне үҙаллы асыуына ҡамасаулаған блокираторҙар ҡуйығыҙ.

Ғаиләгеҙҙең кескәй ағзаларының ғүмерен һаҡлағыҙ!