Әбйәлилдә ныҡ һыуыҡ булған

Бишбүләк районының Каменка ауылында бөгөн төндә термометр шкалаһы -45 градусҡа тиклем төшкән. Ә бына Әбйәлил районының Ҡаҙмаш ауылында -48 градусҡа тиклем һыуытҡан, Хәмиттә -45, Амангилделә -43, Буранғолда һәм Үтәгәндә  -40, Шәриптә -38 градус булған тип хәбәр итә урындағы халыҡ.

БР Мәғариф министрлығынан белдереүҙәренсә, уҡыусыларға түбәндәге һауа температураһында дәрестәргә йөрөмәҫкә мөмкин:

башланғыс кластар -25 градустан түбәнерәктә;

▪ ️5-9 кластар -27 градустан түбәнерәктә;

▪ ️10-11 кластар -32 градустан түбәнерәктә.

Уҡыусыларҙың ата-әсәләре, был хаҡта класс етәксеһенә хәбәр итеп, балаларының мәктәпкә барыуы тураһында үҙаллы ҡарар ҡабул итергә хоҡуҡлы.

Дөйөм белем биреү ойошмалары теләһә ниндәй һауа температураһында ла эшләй.

Фото: web.whatsapp.com