Вахтанан ҡайтыусыларҙы полиция тотҡан

Башҡортостанда йәшәүсе 37 һәм 38 йәшлек ирҙәр һәм 34 йәшлек Ханты-Манси автономиялы округы - Юграла йәшәгән ир «Яңы Уренгой - Ҡазан» поезының вагонында бергә барған. Ирҙәр өйҙәренә вахтанан ҡайтып килгән, юлда саҡта спиртлы эсемлектәр эскән.

Поезда улар кәйеф-сафа ойоштороп йәмәғәт тәртибен боҙған, насар һүҙҙәр әйткән һәм башҡа пассажирҙарҙың ялына ҡамасаулаған. Һөҙөмтәлә полиция хеҙмәткәрҙәре килеп, ирҙәрҙе поездан төшөрә һәм дежур бүлеккә алып китә. Уларға ваҡ хулиганлыҡ өсөн 500-шәр һум штраф һалынған.

Вахтанан ҡайтырға йә иһә эшкә юлланыусылар араһында поезда, самолетта булһынмы, спиртлы эсемлектәр ҡулланып, ғауға сығарыуҙар йышайҙы. Ҡайтып ҡына байрам итһәләр була ла бит...

Фото: "Башинформ".