Һыу баҫыу ҡурҡынысы янай

Алдағы көндәрҙә көслө һәм ҡойма ямғырҙар, елдең көсәйеүе көтөлә.

27 июндә кис яуған һәм 28 июндә төндә көтөлгән насар һауа торошо дала һәм тау йылғаларында һыу кимәленең тиҙ күтәрелеүенә килтереүе ихтимал. Йәшен фронты көньяҡ-көнсығыш өлөштә - Хәйбулла районынан Баймаҡ, Әбйәлил, Белорет һәм Учалы райондарына көтөлә. Был иһә йорт яны биләмәләрен һыу баҫыуға һәм юлдарҙы йыуыуға килтереүе ихтимал.

Рәсәй Ғәҙәттән тыш хәлдәр министрлығы иҫкәртә:

• һыу баҫҡан йәки һыу баҫыу ҡурҡынысы янаған осраҡта 101 йәки 112 һандарына шылтыратығыҙ.

• Документтарҙы һәм ҡиммәтле әйберҙәрҙе йыйып әҙерләп ҡуйығыҙ.

• Тәҙрәләрҙе, елләтеү тишектәрен, газ кранын ябығыҙ һәм электр энергияһын һүндерегеҙ.

• Малдарҙы эвакуациялау урыны тураһында алдан хәстәрләгеҙ.

Фото: Рәсәй Ғәҙәттән тыш хәлдәр министрлығы.