Ҡалын боҙборсаҡ яуып һалған

Илеш районы Оло Ялан ауылы халҡы әйтеүенсә, эре боҙборсаҡтар бер нисә минут эсендә үләнде ҡаплаған.

Йәшендән һуң ауыл халҡы баҡсаны һәм үҙ машиналарын тикшерергә ашыға. Ҡарап, һүҙһеҙ ҡала улар: теплица-ҡоймалар ватылған, машина тәҙрәләре пыран-зыран килгән, йәшелсәләр тик ҡоро һабаҡта ултырып ҡалған, картуф баҡсаһы бөтөнләй юҡҡа сыҡҡан. Тәбиғәт һынауҙары алдында кеше лә көсһөҙ шул. Иларһың да, аптырарһың да...

Иҫегеҙгә төшөрәбеҙ, хәүефле һауа торошо бөгөнгә, 23 июлгә тиклем һаҡланасаҡ. Республика халҡын урамда һаҡ булырға саҡыралар.

Фото: телеграмдан