Торатауҙа ҡот осҡос хәл булған

Был турала республиканың Ғәҙәттән тыш хәлдәр министрлығы хәбәр итә. Ваҡиға урынына табиптар, Ғәҙәттән тыш хәлдәр министрлығы һәм башҡа хеҙмәттәр барған.

Яҡынса мәғлүмәттәр буйынса, ҡыҙғаныс хәл шихандың башында булған. Парапланерист бер ҡыҙҙың өҫтөнә барып төшкән. Һөҙөмтәлә туристың мейеһе һелкенгән, ике ҡабырғаһы, ҡулы һынған һәм башҡа йәрәхәттәр алған.

Үҙ аллы атлай алмаған ҡыҙ носилкалар ярҙамында Стәрлетамаҡҡа дауаханаға оҙатылған. Парапланерист үҙе иһә шулай уҡ зыян күргән, тик дауаханаға барыуҙан баш тартҡан.

Фото: МЧС.