Ике водителгә лә 18 йәш тә тулмаған булған...

Кисә райондың Шәбағыш ауылында ”Racer” мотоциклы менән “Vento” мопеды бәрелешкән. Был турала республика дәүләт автоинспекцияһының матбуғат хеҙмәте хәбәр итә. Аварияла 16 һәм 17 йәшлек водителдәр һәләк булған. Уларҙың пассажирҙары – 14 һәм 18 йәшлек үҫмерҙәр – ауыр хәлдә дауаханаға оҙатылған.

Билдәле булыуынса, техника менән идара итеүселәрҙең водитель таныҡлыҡтары булмаған.

“Хөрмәтле ата-әсәләр! Балағыҙға хәүефле транспорт сараһын ҡулланырға рөхсәт итеп, уның ғүмерен һәм һаулығын ҡурҡыныс аҫтына ҡуйыуығыҙҙы онотмағыҙ. Был ошо осраҡтағы кеүек ауыр эҙемтәләргә килтереүе ихтимал”, – тине Башҡортостандың баш дәүләт автоинспекторы Владимир Севастьянов.

Юл-транспорт фажиғәһе буйынса тикшереү эштәре бара.

Фото: БР прокуратораһы.