Республикала ташҡынға бәйле хәл нисек?

Ҡойма ямғырҙар арҡаһында һыу баҫыуға бәйле актуаль мәғлүмәтте тәҡдим итәбеҙ.

13 август 9:00 сәғәткә ҡарай республиканың һыуһаҡлағыстарында һәм йылғаларында һыу кимәленең яйлап түбәнәйеүе күҙәтелә.

Тәүлек эсендә һыу кимәленең иң ныҡ түбәнәйгән урындары:

• Нуриман районының Яман-Порт ауылында Өфө йылғаһы 80 сантиметрға;
• Нуриман районының Ҡыҙыл Шишмә ауылында Өфө йылғаһы 72 сантиметрға;
• Бөрө ҡалаһында Ағиҙел йылғаһындағы һыу кимәле 21 сантиметрға кәмегән.

Республика һыуһаҡлағыстарында һыу кимәлен күҙәтеү дауам итә.

Фото: БР Ғәҙәттән тыш хәлдәр буйынса дәүләт комитеты.