Ҡыҙғаныс хәл, барыр еренә етә алмаған...

Бөгөн иртәнсәк Стәрлетамаҡ районының Бүреҡаҙған ауылы янында “Лада Гранта” автомобиле юлдан ситкә сығып ауҙарылған. Мәғлүм булынса, транспорт сараһы Талас ауылы яғынан Стәрлетамаҡ ҡалаһы йүнәлешендә хәрәкәт иткән.  

Юл-транспорт ваҡиғаһы һөҙөмтәһендә 41 йәшлек водитель ашығыс медицина ярҙамы килгәнгә тиклем вафат була.

Ваҡиға урынында Дәүләт автоинспекцияһы һәм башҡа ашығыс хеҙмәттәр хеҙмәткәрҙәре эшләй. Юл-транспорт ваҡиғаһы сәбәптәре асыҡлана.

Хөрмәтле водителдәр, бер ваҡытта ла ашыҡмағыҙ, юл хәрәкәте ҡағиҙәләрен теүәл үтәгеҙ. Онотмағыҙ: һеҙҙең ғүмер үҙегеҙҙең ҡулығыҙҙа!

Фото: @bash_gibdd