Террорға ҡаршы комиссияның ултырышы уҙҙы

Унда видеоконференция режимында Башҡортостандың ҡала һәм район башлыҡтары ҡатнашты.

Көн тәртибендә террор күренештәрҙе иҫкәртеү һәм уларға ҡаршы тороу мәсьәләләре (шул иҫәптән муниципаль кимәлдә) тикшерелде.

– Хәүеф арта барған шарттарҙа беҙҙән терроризмға ҡаршы тороусы бөтә субъекттарҙың хәлдең киҫкенләшеүенә яуап бирергә тулыһынса әҙер булыуы талап ителә. Был айырыуса муниципаль кимәлгә ҡағыла, – тине Радий Хәбиров. – Сараларҙың һөҙөмтәлелеге туранан-тура урындағы үҙидара органдарының һәм муниципаль берәмектәрҙең террорға ҡаршы комиссияларының системалы иҫкәртеү эшмәкәрлегенә бәйле.

Төбәк етәксеһе шулай уҡ милләт-ара һәм конфессия-ара конфликттарҙы иҫкәртеү буйынса ведомство-ара эш итеүҙе ойоштороуҙың мөһимлеген билдәләне.

Ултырышта ҡатнашыусылар террорҙы иҫкәртеү һәм уға ҡаршы көрәш буйынса ведомство-ара эш итеү тәртибен, шулай уҡ был эштә ҡатнашҡан белгестәрҙең һөнәри әҙерлеген күтәреү мәсьәләләрен билдәләне.

Фото: glavarb.ru