Пассажиры һәләк булған...

Краснокама районында аварияла кеше һәләк булған. Республиканың Дәүләт автоинспекцияһынан хәбәр итеүҙәренсә, бөгөн, 23 декабрҙә, көндөҙгө сәғәт берҙәр тирәһендә Дүртөйлө – Нефтекама автомобиль юлының 55-се километрында “Лада Ларгус” автомашинаһының 66 йәшлек водителе Нефтекама яғынан Өфө йүнәлешендә хәрәкәт иткәндә “Лада Веста” менән бәрелешкән.

Авария һөҙөмтәһендә “Лада Ларгус”тың артҡы ултырғысындағы 50 йәшлек ҡатын алған йәрәхәттәренән ваҡиға урынында уҡ вафат булған. Шулай уҡ был автомобилдәге башҡа пассажирҙар ҙа төрлө йәрәхәттәр менән дауаханаға оҙатылған.

Полиция һәм ашығыс хеҙмәттәр авария сәбәптәрен асыҡлай.

Уҙған ял көндәрендә республикала көслө ҡар яуҙы. Был иһә автомобилдәр өсөн хәүефте икеләтә арттырҙы. Авариялар һанының артыуы ошо хаҡта һөйләй.

Шуға ла рулдәгеләргә икеләтә иғтибарлы һәм яуаплы булырға кәрәк. Хөрмәтле водителдәр, онотмағыҙ – һеҙ кеше ғүмере өсөн яуаплы!

Фото: @bash_gibdd.