Көтмәгәндә бәлә килгән

Балаҡатай районының Үрге Исҡуш ауылында торлаҡ бүрәнә йорт янған. Рәсәй Ғәҙәттән тыш хәлдәр министрлығы һәм ирекмәндәрҙең янғын һүндереү командаһы көсө менән 20 квадрат метр майҙанда янғын һүндерелә.

Ҡыҙғанысҡа ҡаршы, янғын һүндереү барышында ирҙең кәүҙәһе табыла. Әлеге ваҡытта янғындың сәбәптәре асыҡлана.

Рәсәй Ғәҙәттән тыш хәлдәр министрлығы иҫкәртә:

• түшәктә тәмәке тартмағыҙ;

• йоҡлар алдынан электр приборҙарын һүндерегеҙ;

• йортта янғын тураһында хәбәр итеүсе ҡоролма ҡуйығыҙ;

• ут һүндергесте һатып алып, уны ҡулланырға өйрәнегеҙ.

Фото: Рәсәй Ғәҙәттән тыш хәлдәр министрлығы.