Республика юлдарында тағы сикләүҙәр индерелде

Бөгөн, 24 февралдә, 22.00 сәғәттән дөйөм ҡулланылыштағы Өфө - Инйәр - Белорет автомобиль юлының 67 саҡрымдан 206 саҡрымға тиклем, Стәрлетамаҡ - Белорет - Магнитогорск юлында 212 саҡрымдан 252 саҡрымға тиклем участкаһында йөк һәм пассажирҙар транспорты хәрәкәтенә ваҡытлыса  сикләү индерелде.

Был сара – һауа шарттары насарайыуына бәйле.

– Сикләүҙе бөтөрөү тураһында өҫтәмә хәбәр итербеҙ. Дәүләт автоинспекцияһы хеҙмәткәрҙәре юл хәрәкәтендә ҡатнашыусыларға ярҙам күрһәтеүгә йүнәлтелгән, – тип хәбәр итәләр республиканың Дәүләт автоинспекцияһынан.

Хөрмәтле водителдәр, юлаусылар, ғәҙәттән тыш хәл килеп тыуғанда 112 һандарына шылтырата алаһығыҙ.

Фото: Дәүләт автоинспекцияһынан.