Юлдарҙа йәнә сикләү

Бөгөн республиканың ҡайһы бер райондарында йәнә буран ҡотора. Был юлда хәүефкә килтерә. Шуға күрә, айырыуса буран булған урындарҙа хәрәкәт сикләнә. Шулай бөгөн көндөҙгө 2-се яртынан Өфө-Бөрө-Яңауыл автомобиль юлы участкаһында йөк һәм пассажирҙар транспорты хәрәкәте сикләнде (Благовещен һәм Бөрө райондары). Был хаҡта Башҡортостан Республикаһы Ғәҙәттән тыш хәлдәр буйынса дәүләт комитетының телеграм-каналында хәбәр ителә.

Хәрәкәтте сикләү киске сәғәт 6-ла тамамланырға тейеш.

“Сикләүҙәр уңайһыҙ һауа шарттарына (ҡар, буран, ел, боҙлауыҡ, күреү мөмкинлегенең сикләнеүе) бәйле индерелде”, – тиелә ҡотҡарыусыларҙың белдереүендә.

Фото: Ғәҙәттән тыш хәлдәр буйынса дәүләт комитеты.