Кәүҙәһен һаман таба алмайҙар

Кисә Краснокама районының Николо-Березовка ауылында фажиғәле хәл була. Ир кеше Кама йылғаһы аша үтергә була, ләкин йоҡа боҙ емерелә, һәм ул һыу аҫтына китә. Был турала Рәсәй Ғәҙәттән тыш хәлдәр министрлығының Башҡортостан буйынса Баш идаралығының матбуғат хеҙмәте хәбәр итте. 

Әлеге ваҡытта Ғәҙәттән тыш хәлдәр буйынса дәүләт комитеты ҡотҡарыусылары ирҙе эҙләүҙе ойошторған. Уның шәхесе асыҡланмаған. Тимәк, кемдер өйөндә яҡынын көтә...

Быйыл яҙ бик иртә килде. Йылғалар боҙҙан әрселде, боҙ ныҡ йоҡарҙы. Ул нисек кенә ҡалын булып күренмәһен, өҫтөнә сыҡмағыҙ, балаларығыҙҙы ла иҫкәртегеҙ һәм ҡарауһыҙ ҡалдырмағыҙ! 

Фото: МЧС.