Яңы Абҙаҡ та хәүеф аҫтында булған

Башҡортостан Республикаһының Ғәҙәттән тыш хәлдәр буйынса дәүләт комитетының Белорет районының Абҙаҡ ауылы янғын һүндереүселәре һыу үтеүгә ҡамасаулаған ике боҙ тығынын бөтөрҙө. Һөҙөмтәлә Яңы Абҙаҡ ауылының Тау саңғыһы, Муйылҡай, Болонло урамдарында урынлашҡан яҡын-тирәләге йорттарҙы һәм ҡунаҡхана комплекстарын һыу баҫыуға юл ҡуйылмай. 

Абҙаҡ ауыл советы ауыл биләмәһе башлығы  Хәмзә Мөхәмәҙиев менән берлектә, Абҙаҡ ауылынан Вадим Мамуляның махсус техника (экскаватор тракторы) ярҙамында, боҙ киҫәктәре емереп, боҙ тығындарын бөтөрөргә һәм Кесе Ҡыҙыл йылғаһы үҙәнендә боҙ өйөмдәрен бөтөрөргә ярҙам иткәндәр. Был иһә етди һыу баҫыу эҙемтәләренә юл ҡуймаған.

Фото: Азамат Нәбиуллин.