Дүрт йәшлек бала менән ир кешене эҙләйҙәр

“Лиза Алерт” эҙәрмәндәр төркөмө ирекмәндәре ғәҙәти булмаған эҙләү тураһында иғлан итте. Башҡортостандың Нефтекама ҡалаһында 34 йәшлек ир менән дүрт йәшлек малай ғәйеп булған.

Хәбәр ителеүенсә, ирҙең исеме Денис Пакриев, ә дүрт йәшлек малай – Богдан Жижин. Улар 22 мартта өйҙәренән сыҡҡан һәм ғәйеп булған.

Богдандың билдәләре: буйы – 90 сантиметр, ябыҡ, күҙҙәре һоро, сәсе һарғылт. Ҡара-зәңгәр куртка, һоро ҡабарынҡы салбар, ҡара итек һәм төрлө төҫлө шапка кейгән.

Денистың билдәләре: буйы – 165 сантиметр, уртаса буй-һынлы, сәсе ҡара, күҙе һоро төҫтә. Көрән джинсы салбар һәм ҡара-зәңгәр куртка кейгән булған.

Уларҙың ҡайҙалығы тураһында берәй нәмә билдәле булһа, 8 800 700 54 52 телефоны буйынса хәбәр итеүегеҙ һорала.

Хәбәрҙә ир менән баланың бер-береһенә кем булыуы тураһында әйтелмәй...

Фото: "Лиза Алерт".