Йорт хужаһына бары 58 йәш булған

Өфөлә ағас йорт янған. Өйҙөң тимер ҡыйығы уттан зыян күргән.

Ҡыҙғанысҡа ҡаршы, янғын һүндереүселәр ҡотҡарыу эше барышында йорт хужаһының – 58 йәшлек ирҙең кәүҙәһен тапҡан.

Утты һүндереүгә Рәсәй Ғәҙәттән тыш хәлдәр министрлығының 12 белгесе һәм 3 берәмек техника йәлеп ителә.

Янғын урынында тәфтиш-оператив төркөм һәм ғәҙәттән тыш ведомствоның тәүтикшереүсеһе эшләй.

Ҡыҙғанысҡа ҡаршы, республикала янғындарҙа көн дә тиерлек кеше ғүмере өҙөлә. Үлем сәбәбе - ут менән һаҡһыҙ эш итеү, янғын хәүефһеҙлеге ҡағиҙәһен үтәмәү. Балаларҙы, өлкән йәштәге кешеләрҙе ҡарауһыҙ ҡалдырмағыҙ, йорттарығыҙға янғынды иҫкәртеүсе ҡорамал ҡуйығыҙ. 

Фото: Рәсәй Ғәҙәттән тыш хәлдәр министрлығының Башҡортостан буйынса Баш идаралығынан.