Ул балыҡтан ҡайтмаясаҡ...

Баймаҡ районында юғалған ирҙең кәүҙәһе табылған. Рәсәй Ғәҙәттән тыш хәлдәр министрлығының Башҡортостан буйынса Баш идаралығы матбуғат хеҙмәтенән хәбәр итеүҙәренсә, бөгөн иртәнге сәғәт биш тирәһендә борсолған туғандарынан кисә 57 йәшлек Ҡолсора ауылында йәшәгән ирҙең балыҡ тоторға китеүе һәм әлегә тиклем бәйләнешкә сыҡмауы тураһында хәбәр килгән.

БР Ғәҙәттән тыш хәлдәр буйынса дәүләт комитетының матбуғат хеҙмәте мәғлүмәттәре буйынса, ир күлгә киткән, әммә билдәләнгән ваҡытҡа әйләнеп ҡайтмаған, һәм туғандары борсолоу белдергән.

Атаһының оҙаҡ ваҡыт юҡлығынан борсолған улы уны эҙләргә китә. Яр буйында ул балыҡсының машинаһын һәм шәхси әйберҙәрен таба, әммә ир үҙе бер ҡайҙа ла булмай. Таң менән ҡотҡарыусылар Талҡаҫ күленә ирҙең балыҡ тоторға йыйынған урынына юллана. Эҙләү-водолаз эштәре һөҙөмтәһендә өҫкө кейемдәге ирҙең кәүҙәһе өҫкә күтәрелә һәм һыуҙан сығарыла.

Үлгән кешене полиция хеҙмәткәрҙәренә тапшыралар. Әле оператив-тикшереү саралары үткәрелә.

Фото: МЧС.