Юлда көн дә үлем

Бөгөн көндөҙ Өфө районында аварияла тағы бер водителдең ғүмере өҙөлгән. БР дәүләт автоинспекцияһы мәғлүмәттәре буйынса, “Урал” М-5 юлында “Зас Шанс” рулендәге 68 йәшлек водитель Өфөнән Һамар яғына хәрәкәт иткәндә алда туҡтап торған JAC йөк машинаһына килеп бәрелгән.

Көслө бәрелеүҙән еңел автомобилдәге водитель тиҙ ярҙам килгәнсе үк һәләк булған. Ваҡиға урынында дәүләт автоинспекцияһы хеҙмәткәрҙәре һәм башҡа экстрен хеҙмәттәр эшләй. Авария сәбәптәре асыҡлана.

Юлдарҙа һаҡ булығыҙ, юл хәрәкәте ҡағиҙәләрен теүәл үтәгеҙ, тиҙлек режимын һаҡлағыҙ!

Фото: БР ДАИ.