Өфөлә ете генә йәшлек бала юғалған

Хәүефле хәбәр алдыҡ: Өфөлә ете йәшлек Андрей Логвинов юғалған. Был хаҡта “Бәйләнештә” социаль селтәрендәге “Башрегионспас” төркөмө ирекмәндәре хәбәр итте.

Бөгөн, 5 июндә малай билдәһеҙ йүнәлештә сығып китә һәм әйләнеп ҡайтмай. Билдәләре: буйы 128 см, ябыҡ кәүҙәле, сәстәре көрән, күҙҙәре зәңгәр төҫтә. Һары смайликлы һоро-көрән футболка, аҡ яҙыулы һоро салбар, аҡ табанлы зәңгәр сандали кейгән. Бала медицина ярҙамына мохтаж. Ул баш ҡаланың теләһә ниндәй районында булыуы ихтимал. 

Баланың ҡайҙалығын белгән һәр кемгә 112 йәки 8-937-3-102-112 телефондары буйынса хәбәр итеүҙәрен һорайҙар.

Фото:  “Башрегионспас” төркөмө.