Рәсәйҙең 16 төбәгендә мобиль интернет сикләнде

Рәсәйҙең 16 төбәгендә мобиль интернетҡа инеү менән ваҡытлыса проблемалар теркәлгән. Киң мәғлүмәт саралары мәғлүмәттәре буйынса, сикләүҙәр пилотһыҙ аппараттар яғынан хәүефтең артыуы менән бәйле. Мобиль интернетты һүндереү дрондарҙың координацияһын һәм навигацияһын тотҡарлай, шулай уҡ уларҙың һөжүм аныҡлығын кәметә, тип иҫәпләнә.

Эштәге ваҡытлыса өҙөклөктәр тураһында Мәскәү, Ленинград, Псков, Воронеж, Ростов, Волгоград, Төмән, Һамар, Тамбов, Силәбе һәм Магадан өлкәләре, шулай уҡ Тыва, Яҡутия, Байкал аръяғы, Приморье һәм Хабаровск крайы халҡы билдәләй.

Хәрби эксперт Анатолий Матвейчук аңлатҡанса, хәҙерге заман БПЛА-лары һанлы бәйләнеште әүҙем ҡуллана һәм кәрәкле координаталарҙы туранан-тура мобиль вышкаларҙан ала ала. Интернетты ябыу навигация системаларының эшен боҙа һәм ерҙәге объекттарға теүәл һөжүм итеүҙе мөмкин итмәй.

Киң мәғлүмәт саралары хәбәр итеүенсә, сараның территориаль яҡтан киңәйеү ихтималлығы бар.

Фото: Башинформ.