Районда - ҡурҡыныс авария

Бөгөн киске сәғәт алты тирәһендә Балаҡатай районында, Оло Ыҡтамаҡ – Яңы Балаҡатай автомобиль юлының 32-се километрында,  фажиғәле юл-транспорт ваҡиғаһы теркәлгән.

Республиканың дәүләт автоинспекцияһы мәғлүмәттәре буйынса, 46 йәшлек водитель идара иткән “Газель” автомашинаһы “Киа Сид” автомобиле менән бәрелешкән.

Юл-транспорт ваҡиғаһы һөҙөмтәһендә “Киа Сид“ рулендәге 56 йәшлек водитель алған йәрәхәттәренән ваҡиға урынында уҡ йән биргән, уның ике пассажиры дауаханаға оҙатылған.

Юл-транспорт ваҡиғаһы буйынса тикшереү башланған, сәбәптәре һәм шарттары асыҡланасаҡ.

Хөрмәтле водителдәр, юл хәрәкәте ҡағиҙәләрен теүәл үтәгеҙ, ашыҡмағыҙ, үҙегеҙҙе һәм яҡындарығыҙҙы хәүеф аҫтына ҡуймағыҙ.

Фото: БР дәүләт автоинспекцияһының видеояҙмаһынан скриншот.