Бер тәүлектә һигеҙ кешене алдағандар

Үткән тәүлектә Башҡортостанда һигеҙ кеше телефон аша аҡса урлаусылар тоҙағына эләккән.

Өфөнән 29 йәшлек кеше аферистарға ике миллион һумға яҡын аҡса күсергән, шуның бер миллион һумдан ашыуын кредитҡа алған, ә 650 мең һумы үҙе йыйған аҡса булған. Алдаҡсылар уны, йәнәһе, енәйәт яуаплылығынан ҡотҡарыу өсөн тип аңлатҡан.

Ошондай уҡ ғариза менән Өфөнән 63 йәшлек кеше лә мөрәжәғәт иткән – уны 1,3 миллон һум аҡсаһын “хәүефһеҙ” иҫәпкә күсерергә ризалатҡандар.

Енәйәтселәр тоҙағына 52 йәшлек ир ҙә эләккән. Аферистар уға һатыу-алыу килешеүенең ышаныслы булыуы тураһында әйткән һәм артабан ул билдәһеҙ кешеләргә 1,5 миллион һумын ебәргән.

“Хөрмәтле граждандар! Алдаҡсыларҙың торған һайын яңыраҡ схемалар ҡулланыуын онотмайыҡ. Уяу булығыҙ!” – ти Башҡортостан Республикаһы буйынса Эске эштәр министрлығының матбуғат хеҙмәте Анастасия Штерн.

Фото:  социаль селтәрҙән.