Автомобиль түңкәрелгән, ә водителе...

Дәүләт автоинспекцияһынан хәбәр итеүҙәренсә, бөгөн иртәнге сәғәт һигеҙҙәр тирәһендә Кәлтә – Балажы автомобиль юлының 11-се километрында юл фажиғәһе теркәлгән.

Яҡынса мәғлүмәттәр буйынса, 44 йәшлек водитель, “ВАЗ-2107” автомобилендә Балажы ауылы яғынан Кәлтә ауылы йүнәлешендә хәрәкәт иткәндә, идараны юғалта һәм транспорты юлдан ситкә сығып түңкәрелә.

Юл-транспорт ваҡиғаһы һөҙөмтәһендә водитель алған тән йәрәхәттәренән авария урынында вафат була.

Дәүләт Автоинспекцияһы хеҙмәткәрҙәре был осраҡ буйынса тикшереү башлаған.

Хөрмәтле водителдәр, юл хәрәкәте ҡағиҙәләрен теүәл үтәгеҙ, тиҙлекте арттырмағыҙ, ҡаршы һыҙатҡа сыҡмағыҙ!

Фото: @bash_gibdd видеояҙмаһынан скриншот.