Ирәмәлдә ҡатын юғалған

Ирәмәлдә өсөнсө көн Силәбе турисын эҙләйҙәр. 43 йәшлек Полина Захарова оло Ирәмәлде яуларға тип йома көндө үк юллана, әммә шул ваҡыттан алып уның менән бәйләнеш булмай.

Юғалған ҡатындың билдәләре: буйы 153 сантиметр, уртаса кәүҙәле, сәстәре көрән, күҙҙәре һоро, алһыу куртка, ҡара-ҡыҙыл салбар һәм эшләпә, һоро-зәңгәр итек кейгән.

Полинаның социаль селтәрҙәге сәхифәһенән күренеүенсә, ул 2021 йылдан алып тауҙарға походҡа сығыу менән мауыға һәм Ирәмәлгә лә беренсе тапҡыр ғына күтәрелмәй.

Уны ҡотҡарыусылар һәм ирекмәндәр эҙләй.

Фото: социаль селтәрҙәр.