Ике кешенең кәүҙәһен тапҡандар

Рәсәй Ғәҙәттән тыш хәлдәр министрлығының Башҡортостан буйынса Баш идаралығынан хәбәр итеүҙәренсә, бөгөн көндөҙ Балаҡатай районының Яңы Балаҡатай ауылында таҡталы верандалы бүрәнә йорт янған.

Янғын һүндереү барышында ике кешенең – 56 йәшлек йорт хужаһының һәм тағы бер ирҙең кәүҙәһе табылған.

Янғынды тикшереүҙе Рәсәй Ғәҙәттән тыш хәлдәр министрлығы тәфтишсеһе үткәрә, ваҡиға урынында тәфтиш-оператив төркөм эшләй.

Иҫегеҙҙә тотоғоҙ:

– тәмәке тотоп, иҫерек килеш йоҡлау янғынға килтерә;

– бер розеткаға йәки үткәргескә бер юлы бер нисә ҡеүәтле электр ҡорамалын тоташтырыу янғынға килтереүе ихтимал;

– автономлы янғын хәбәрсеһе һеҙҙең ғүмерегеҙҙе ҡотҡара ала.

Фото: Рәсәй Ғәҙәттән тыш хәлдәр министрлығының Башҡортостан буйынса Баш идаралығынан.