Водитель дә, пассажиры ла һәләк булған...

Кушнаренко районында аварияла ике кеше һәләк булған.

Башҡортостан дәүләт автоинспекцияһынан хәбәр итеүҙәренсә, төнгө сәғәт бер тирәһендә Р-240 автомобиль юлының 76-сы километрында, М-12 Көнсығыш подъезында 54 йәшлек водитель “Форд Фокус”та ҡаршы хәрәкәт һыҙатына сығып, “Ман” йөк автомобиле менән бәрелешә. Артабан еңел машина ҡаршы һыҙат буйлап килгән икенсе “Ман”ға ла төкөй.

Көслө бәрелештән "Форд Фокус" водителе һәм уның 52 йәшлек пассажиры шул урында һәләк була. 23 йәшлек икенсе пассажир төрлө йәрәхәттәр менән дауаханаға ебәрелә.

Тулыраҡ мәғлүмәт асыҡлана.

Кәрәк инеме икән шулай ашығырға? Бик ҡыҙғаныс хәл...

Фото: Башҡортостан дәүләт автоинспекцияһынан.

Беҙҙең МАХ каналына max.ru/gazetabash... ҡушылығыҙ.