Студенттар иптәштәрен ерләп ҡайтып барған...

Йәкшәмбе, 9 мартта, Ҡариҙел районында бер юлы биш кешенең ғүмерен өҙгән ҡот осҡос фажиғә булды. Бөрө – Таҙтүбә – Һатҡы трассаһының 72-се километрында ике еңел машина – Lada Priora һәм Hyundai Solaris бәрелеште. Көслө бәрелештән машиналарҙан металл өйөмө генә ҡала. Урында ике водитель һәм өс пассажир һәләк була: береһе – сит ил машинаһы, икеһе – ватан автомобиленән. “КП-Өфө” баҫмаһы аварияның нескәлектәрен асыҡланы һәм уның ҡорбандарының шәхестәрен асыҡланы.

Lada Priora руле артында 22 йәшлек Вадим М. ултырған була. Ул – Мишкә ауылындағы агросәнәғәт колледжы студенты. Уның менән бергә салонда 18-19 йәшлек өс төркөмдәш ҡыҙ, ә алғы пассажир ултырғысында махсус дисциплиналар уҡытҡан 43 йәшлек колледж педагогы була. Был көндө улар бергәләп Ҡариҙел районына ерләүгә бара, унда Урғыш ауылында элекке курсташын һуңғы юлға оҙаталар.

Ҡайтышлай Вадим, яҡынса мәғлүмәттәр буйынса, алдағы машинаны уҙып китергә була һәм ҡаршы килгән автомобилде бәрҙерә. Егет, уның 18 йәшлек дуҫы Радмила К. һәм уҡытыусы Лиана А. шунда уҡ һәләк булалар. “Лада”ның тағы ике пассажиры иҫән ҡала һәм әле ауыр хәлдә. Ҡыҙҙарҙы ашығыс рәүештә яҡындағы дауаханаға оҙаталар. Береһе комала, икенсеһе аңына килгән – уның баш мейеһе ныҡлы зыян күргән. Ҡыҙҙарҙың хәлен табиптар, шулай уҡ санитар авиация белгестәре күҙәтә. Уларҙы тотороҡландырғандан һуң, артабан дауалау өсөн Өфөгә алып китәсәктәр.

Ҡаршы килгән Solaris руле артында ултырған 48 йәшлек Виктор С. шулай уҡ урында һәләк була. Уның менән бергә машинала ҡайныһы, 66 йәшлек Петр П. ултырған. Икеһе лә Ҡариҙел районының Әртәкүл ауылы кешеләре. Ул көндө улар район үҙәгенә эштәр буйынса юллана. Виктор С-тың биш бәлиғ булмаған балаһы ҡалған.

Коллегаларының һәм студенттарының һәләк булыуы тураһындағы хәбәр Мишкә агросәнәғәт колледжының педагогик коллективын һәм уҡыусыларын ҙур ҡайғыға һала.

иптәштәре әйтеүенсә, 22 йәшлек Вадим “аҡыллы һәм эшсән егет” булған. Уҡыуҙан буш ваҡытта автомобилдәрҙе кузов ремонтлау менән шөғөлләнә, компанияның йөҙөк ҡашы һәм һәр ваҡыт ярҙамға килергә әҙер була. 18 йәшлек Радмила К. етем була, әммә ғәҙәти тормош алып барырға тырыша уҡый, дуҫтары менән аралаша, киләсәккә пландар төҙөй. Ул колледждың сығарылыш төркөмө студенты була.

43 йәшлек Лиана А. тураһында, коллегалары әйтеүенсә, ул ашнаҡсы һәм кондитер һөнәрен һайлаған балалар өсөн ысын остаз була. Педагог студенттарҙы профессиональ оҫталыҡ чемпионаттарының төбәк этаптарына даими әҙерләй, демонстрация имтихандарында эксперт ролендә сығыш яһай һәм мәктәп уҡыусылары өсөн оҫталыҡ дәрестәре үткәрә, уларға кулинар сәнғәтенә һөйөү тәрбиәләү өсөн тырыша. Студенттары өсөн ул шулай уҡ өлкән иптәш була. Уның 10-сы класта уҡыған улы ҡалған. Малайҙың олатай менән өләсәһе генә бар.

Һәләк булғандарҙы 12 мартта тыуған ҡасабаһында һуңғы юлға оҙаталар. Беҙ яҡындарын юғалтҡан һәр кемдең ауыр ҡайғыһын уртаҡлашабыҙ. Юлдарҙа һаҡ булайыҡ. 

Фото: КП-Өфө. 

Беҙҙең МАХ каналына https://max.ru/gazetabashkortostan ҡушылығыҙ!