Мунсала ир һәләк булған

Кисә кисен Өфө ҡалаһы янындағы Чесноковка ауылында янғын теркәлгән.

Янғын һүндереүселәр килгәндә бүрәнә мунсаны ут ялмап алған була. Утты һүндергән саҡта, ҡыҙғанысҡа ҡаршы, 70 йәшлек ирҙе үле килеш тапҡандар.

Ваҡиғаның сәбәбен һәм шарттарын Рәсәй Ғәҙәттән тыш хәлдәр министрлығы тәүтикшереүсеһе асыҡлай.

Рәсәй Ғәҙәттән тыш хәлдәр министрлығы мунсала янғын хәүефһеҙлеге ҡағиҙәләрен иҫегеҙгә төшөрә:

• мейестең ныҡ ҡыҙыуына юл ҡуймағыҙ;
• торбаны даими тикшерегеҙ һәм уны ҡоромдан таҙартығыҙ;
• усаҡ ишеге алдында ҙурлығы 50х70 сантиметрҙан кәм булмаған металл табаҡ ҡуйығыҙ;
• ут янғанда мейесте ҡарауһыҙ ҡалдырмағыҙ һәм уны күҙәтеүҙе балаларға йәки өлкән йәштәгеләргә йөкмәтмәгеҙ.

Фото: Рәсәй Ғәҙәттән тыш хәлдәр министрлығынан.