Учалы районында тағы ла көслө ел-дауыл үткән

Учалы районында быйыл ел-дауыл сығыу күренеше йышайҙы. Яңыраҡ Өргөн ауылында ғәрәсәт булыуы тураһында хәбәр иткәйнек инде, кисә, 15 июлдә, Илсе ауылына килгән бәлә һөҙөмтәһендә өс торлаҡ йорт, хужалыҡ ҡаралтылары һәм ҡоймаларға зыян килеүе теркәлгән. Зыян күреүселәр юҡ.

Йәшәүҙе тәьмин итеү системалары, шулай уҡ социаль һәм мәҙәни объекттар зыян күрмәгән һәм ғәҙәти режимда эшләй.

Урында Учалы районы хакимиәте комиссияһы эшләй: зыян баһалана һәм тергеҙеү эштәре планлаштырыла.

 Ғәҙәттән тыш хәлдәр министрлығы көслө ел ваҡытында хәүефһеҙлек ҡағиҙәләрен үтәргә саҡыра.

• Тәҙрәләрҙе, ишектәрҙе һәм сарлаҡ ишектәрен ныҡ итеп ябығыҙ.
• Балкондарҙан, лоджияларҙан һәм тәҙрә төбөнән ел иҫкәндә өҙөп алып китә алған әйберҙәрҙе (сәскә һауыттары, инвентарь, еңел мебель) алығыҙ.
• Транспортты ағастарҙан, реклама щиттарынан, электр үткәргес линияларынан һәм тотороҡһоҙ конструкцияларҙан алыҫ урынлаштырығыҙ.
• Тышта булғанда ныҡлы нығытылмаған ҡоролмаларҙы, иҫке ағастарҙы һәм өҙөлгән сымдарҙы урап үтегеҙ.
• Ғәрәсәт йәки йәшен ваҡытында ағастар аҫтына йәшеренмәгеҙ.
• Мөмкин булһа, саф һауала йөрөүҙе һәм сәйәхәтте һауа торошо яҡшырғансы кисектереп тороғоҙ.

Ғәҙәттән тыш хәл килеп тыуһа, шунда уҡ 112 телефонына шылтыратығыҙ!

Фото: Ғәҙәттән тыш хәлдәр министрлығының Башҡортостан буйынса Баш идаралығынан.