Иҫәпкә алыусыны иҫәпкә алдым!

Илеш районында ла Бөтә Рәсәй халыҡ иҫәбен алыу сараһы ыңғай бара. Йәркәйҙән иҫәпкә алыусы Айгөл Ҡазыханова үҙенең социаль селтәрҙәге диуарында “йомарт, намыҫлы һәм яуаплы халыҡ йәшәй” тип белдерҙе.

– Һүҙҙәрҙе ҡабатлағаныма ғәфү итегеҙ, әммә бөгөн иҫәпкә алыусыны иҫәпкә алдым! Илгизә апай “Бөтә Рәсәй халыҡ иҫәбен алыу-2020” командаһында, ә беҙҙең команда көслө һәм татыу. Беҙ бөтәбеҙ ҙә бер районда йәшәйбеҙ, бер ауылда, бер-беребеҙҙе күптән беләбеҙ – иҫәпкә алыусылар һәм иҫәпкә алыныусылар. Шуға ла һәр ихатала элекке танышы кеүек ҡаршы алалар, һорауҙарға ихлас яуап бирәләр. Изге теләктә булған кешеләр күп: йорттарына саҡыралар, сәй тәҡдим итәләр (итәғәтле генә баш тартабыҙ) һәм иҫәпкә алыусы килеүен иҫкәртеп, күршеләренә шылтыраталар, уларға тиклем оҙатып та ҡуялар, кем ҡасан өйҙә булғанын да әйтәләр. Донъя нисек үҙгәрмәһен, ауылда кеше йомарт күңелле, намыҫлы һәм яуаплы. Бала саҡтан Йәркәйҙә йәшәйем тинем, сөнки миңә бында оҡшай. Йәшәйем дә! – тип уртаҡлаша Айгөл Ҡазыханова.  

Фото: социаль селтәрҙән.

#Башстат #Башкортостанстат #статистика #ВПНБашкортостан #перепись#ВПН2021 #переписьнаселения #перепись2021 #переписчик #переписчикВПН#дневникпереписи #перваяцифровая