"Бер-береңде ғәфү итергә өйрәнергә кәрәк..."

Благовещен ҡалаһы һәм районының ЗАГС бүлегендәге тантаналар залы  был көндә гөрләп торҙо. Законлы никахта 50 йыл ғүмер кисергән ете пар йәшлек йылдарын  иҫкә төшөрҙө, туй вальсында өйөрөлдө.  Хәтерләрлек ваҡиғалар ҙа, иҫтәлекле көндәр ҙә етерлек булғандыр был хәтлем оло һәм ҡатмарлы тормош юлында. Яҙмыш һынауҙары аша һөйөү йылыһын, ихтирам һәм хөрмәтте һаҡлай алған был парҙарға һоҡланмау мөмкин түгел. Улар татыу һәм бәхетле ғаилә ҡороу серҙәрен яҡшы белә.

Алтын юбилярҙар бөгөн дә йәшәү ҡәҙерен белеп, ваҡ-төйәк кенә тойолған нимәләрҙән  дә шатлыҡ табып, уртаҡлашып йәшәй.  “Фекерҙәр төрлө булһа ла, һәр саҡ аңлашырға мөмкин, иң мөһиме - ғәфү итергә өйрәнергә һәм кәңәшләшә белергә кәрәк”, - ти күпте кисергән өлкәндәр.

Хөрмәтле юбилярҙарға оҙаҡ йылдарға етерлек һаулыҡ, бәхет теләйбеҙ!

Фото: Юстиция эштәре буйынса дәүләт комитеты.