Мөхәббәт һәм тыныслыҡ булһын

Стәрлетамаҡ ҡалаһында ике меңенсе сабый донъяға килде, тип хәбәр итә Юстиция эштәре буйынса дәүләт комитеты. Ошо көндәрҙә ҡаланың ЗАГС бүлегендә бәхетле ата-әсәгә тантаналы шарттарҙа тыуыу тураһында таныҡлыҡ тапшырылды.

Беренсе мөһим документты Ольга Борисовна һәм Руслан Валерьевич Федоровтарға Стәрлетамаҡ ҡала округы Советы депутаты Игорь Пылпев тапшырҙы. Ҡаланың яңы гражданына һәм уның ата-әсәһе адресына иң йылы теләктәр белдерелде: ”Ғаиләгеҙҙә һәр ваҡыт мөхәббәт, тыныслыҡ, именлек хөкөм итһен! Тап шул ҡиммәттәргә сабыйығыҙҙың киләсәге бәйләнгән”.

 Йәш ғаиләне оло ваҡиға менән ҡотлап, именлек, татыулыҡ теләйбеҙ!

Фото:Юстиция эштәре буйынса дәүләт комитеты.