Ғүмергә иҫтә ҡалырлыҡ ваҡиға

Благовещен ҡалаһы һәм районының ЗАГС бүлегендә никахты теркәү тантанаһы Ҡыш бабай резиденцияһында үтте.

Күңелле туй үткәреү, өйләнешеү бәхетле кешенең ғүмеренә бер генә килә торған мәл. Шундай бәхетле биш пар байрамса мөхиттә никахлашты һәм иң мөһим ғаилә дәүләт документын алды.

Мәҙәниәт һәм ял үҙәге хеҙмәткәрҙәре ярҙамы менән ЗАГС бүлегенең тантаналы залы тылсымлы әкиәт донъяһына әүерелде. Парҙарҙың һәр береһенә мөхәббәттәрен күҙ нурындай һаҡлап, оҙайлы ғүмер кисереүҙәрен, һау-сәләмәт балалар үҫтереүҙәрен теләйбеҙ!

Фото: Юстиция эштәре буйынса дәүләт комитеты.