Һөйөүҙе һаҡлай ҙа белергә кәрәк

Татыулыҡта оҙон ғүмер кисергән, бергәләп балалар үҫтергән, күптәргә өлгө булып йәшәгән ғаиләләр етерлек. Шуларҙың береһен, Нәсимә һәм Фирҡәт Шакировтар ғаиләһен, алтын юбилейҙары менән Йылайыр районының ЗАГС бүлеге начальнигы Гөлназ Ҡашҡарова ҡотланы.  

 Бынан теүәл 50 йыл элек йәштәр Әлшәй районының Түбәнге Әүрез ауыл Советында никахтарын теркәй. Йылдар дауамына һуҙылған мөхәббәтте улар кер ҡундырмай һаҡлай, бына тигән ике ҡыҙ тәрбиәләп үҫтерә. Хәҙер уларҙың үҙ ғаиләләре бар. Тормош юбилярҙарын  дүрт ейән-ейәнсәрҙәре һөйөндөрөп йәшәтә. 

Фирҡәт Рафиҡ улына һәм Нәсимә Йәүҙәт ҡыҙына ныҡлы һаулыҡ, йорттарына именлек теләйбеҙ.Күптәргә һоҡланғыс өлгө булып, оҙаҡ йылдар йәшәгеҙ ҙә йәшәгеҙ әле!

Фото: https://goskomjust.bashkortostan.ru/presscenter/news/672643/