Түбәндәге һорауҙарға яуап биреп ҡарағыҙ әле: улар һеҙгә ниндәй хужабикә икәнлегегеҙҙе асыҡларға ярҙам итер.
1. Һеҙҙең өйҙә һыуытҡыс та, кер йыуыу машинаһы ла, телевизор ҙа юҡ, ти. Өҫтәүенә пальтоғыҙҙы ла яңыртырға кәрәк. Әммә әлеге ваҡытта матди хәлегеҙ ҡыҫынҡы, уларҙың береһен генә һатып алырлыҡ аҡсағыҙ бар. Һеҙ нимәне һайлар инегеҙ?
б) кер йыуыу машинаһы – 20 мәрәй;
2. Кейем-һалым, һауыт-һаба кәштәләрен йыш тәртипкә килтерәһегеҙме?
3. Һеҙ өйөгөҙҙө аҙна һайын гел бер үк көндә йыйыштырырға ғәҙәтләнгәнһегеҙме?
4. Ҡунаҡ саҡырһағыҙ, түрбаштан сыҡмаҫтан әҙерләнәһегеҙме?
5. Өҫтө бер аҙ көйгән бәлеште ҡунаҡтар алдына сығара алыр инегеҙме?
6. Аш-һыу әҙерләү, яңы рецепттар һынау һеҙгә рәхәтлек бирәме?
7. Магазинға барыр алдынан нимәләр алырға кәрәклеген барлап, исемлек әҙерләйһегеҙме?
8. Яратып әҙерләгән «фирма» ризығығыҙ бармы?
9. Кулинария буйынса гәзит-журналдарҙа, интернетта баҫылған рецепттарҙы йыяһығыҙмы?
10. Өй эштәрендә ирегеҙ һеҙгә ярҙам итәме?
11. Һәр кәстрүл-табағыҙҙың үҙ урыны бармы?
12. Хужалыҡта иң кәрәк әйбер һыуытҡыс тип һанайһығыҙмы?
Ә хәҙер йыйған мәрәйҙәрҙе һанайыҡ.
155-кә ҡәҙәр: ҡыҙғанысҡа ҡаршы, һеҙҙе уңған хужабикә тип әйтеп булмай, ваҡытығыҙҙы дөрөҫ бүлә белмәйһегеҙ.
156-185 мәрәй: һеҙ бик тырыш, һәр нәмәне уйлап эшләгән хужабикә. Ҡайһы берҙә хужалыҡ-көнкүрешегеҙҙә ниндәйҙер ҡытыршылыҡтар килеп сыға икән, был, ғәҙәттә, ғаилә ағзалары арҡаһында. Әммә быға һеҙ үҙегеҙ ғәйепле: уларҙы тәртипкә өйрәтмәгәнһегеҙ, барыһын да үҙ өҫтөгөҙгә алғанһығыҙ. Был хәлде нисек төҙәтергә мөмкин – шул хаҡта уйланығыҙ.
186 мәрәй һәм унан да күберәк: һеҙҙең өйҙә идеал тәртип! Бер туҡтамай нимәлер эшләйһегеҙ: йыуаһығыҙ, таҙартаһығыҙ, ялтыратаһығыҙ... Әммә өйөн тәртиптә тотоуҙы тормоштағы берҙән-бер маҡсаты тип һанаған ҡатын-ҡыҙҙы булдыҡлы хужабикә тип әйтеп булмай шул. Һеҙгә туҡтарға ваҡыт. Бер иҙәнде нисә тапҡыр йыуырға була?! Былай ҙа бар ерегеҙ тәртиптә, бер туҙан бөртөгө юҡ. Ниһайәт, башҡа нәмәләр, тәү сиратта үҙегеҙ тураһында ла уйлағыҙ әле.