+17 °С
Облачно
Матур үтһен ялығыҙ
7 Февраля 2020, 10:10
ЙОНДОҘНАМӘ (10 – 16 февраль)
ҠУҘЫ
Ҡәҙимге аҙна көтөлә. Төп иғтибарҙы аҡса мәсьәләһе яулар, моғайын. Мөһим килешеүҙәр төҙөргә тура килер. Мөхәббәт өлкәһендә ыңғай үҙгәрештәр күҙаллана.
БУҒА
Вазифала үрләү мөмкинлеге тыуыр. Уңышҡа өлгәшеү өсөн тәжрибә туплай тороғоҙ. Яңы проект тәҡдим итһәләр, оҫта белгес менән кәңәшләшеү зыян итмәҫ.
ИГЕҘӘКТӘР
Аҙна башында бер аҙ ялҡауланып алырһығыҙ, моғайын. Шулай ҙа әҙер булығыҙ: етәкселек ылыҡтырғыс тәҡдим яһамаҡсы. Уй-ниәттәрегеҙҙе ышаныслы кешеләргә генә һөйләгеҙ.
ҠЫҪАЛА
Аҙна сағыу ваҡиғаларға бай булмаҡсы. Һөнәрен алмаштырырға теләгәндәргә уңыш юлдаш булыр, тик һәр мәғлүмәтте ентекле тикшерергә кәңәш ителә.
АРЫҪЛАН
Йондоҙҙар һәр башланғысығыҙға булышлыҡ итер. Күберәк аралашырға, һәр яңылыҡтан үҙегеҙгә файҙа алырға тырышығыҙ. Ҡулығыҙға мул ғына аҡса төшөр.
ҠЫҘ
Хәүефле ғәмәлдәрҙән һаҡланығыҙ. Матди хәлегеҙ ярайһы уҡ яҡшырыр, әммә аҡсағыҙҙы бушҡа сарыфламағыҙ, берәй өҫтәмә килем сығанағына йүнәлтегеҙ.
ҮЛСӘҮ
Аҙна бик әүҙем булмаҡсы. Өҫтәмә аҡса эшләргә тәҡдим итерҙәр. Шул уҡ ваҡытта ял тураһында ла онотмаһағыҙ ине. Дуҫтарығыҙ ҙа һеҙҙе күптән юҡһына кеүек.
САЯН
Эшкә һәләтегеҙҙе барыһы ла белә, һаҡ булығыҙ: ҡайһы берәүҙәр үҙ бурыстарын һеҙгә йөкмәтергә тырышыр. Мөхәббәт өлкәһендә үҙгәрештәр көтөлә, кемдер һеҙгә һөйөүен белдерер.
УҠСЫ
Был аҙнала эш урынында ыңғай ваҡиғалар көтөгөҙ. Етәкселектән эш хаҡын арттырыуҙы һорай алаһығыҙ. Яҡындарығыҙ менән мөнәсәбәттәрҙең киҫкенләшеүе бар, сабыр булығыҙ.
ЫЛАҠ
Тырышлығығыҙ һөҙөмтәһендә матди хәлегеҙ тотороҡланыр. Тик бурысығыҙ булһа, шуны түләү сараһын күрегеҙ. Һеҙ күп эшләнегеҙ, бер аҙ ялға ла ваҡыт бүлегеҙ.
ҺЫУҒОЯР
Был аҙнала төп иғтибарҙы ғаилә ҡиммәттәренә йүнәлтерһегеҙ. Аҙнаның икенсе яртыһында ҡыҙыҡлы кеше менән тормошоғоҙға яңы һулыш бирер осрашыу көтөлә.
БАЛЫҠ
Ниндәйҙер мөһим ниәтте кисектерә килһәгеҙ, әле уны тормошҡа ашырырға ваҡыт. Яңы танышлыҡтар файҙаға булыр. Аҡса мәсьәләһенә килгәндә, бурысҡа алмаҫҡа кәңәш ителә.
